Өрт Алматы облысы Іле ауданының Байсерке ауылында орын алды, деп хабарлайды BAQ.KZ.
Төтенше жағдайлар министрлігінің мәліметіне сүйенсек, өрт сөндіру бөлімшелері оқиға орнына келген кезде 2 қабатты ғимаратқа жапсарлас салынған бір қабатты ғимараттың шатыры жанып жатқан.
Өртті сөндіру барысында өрт сөндірушілер жанып жатқан ғимараттан 1 газ баллонын алып шықты. Өрт сөндірушілердің жедел іс-әрекеттерінің арқасында жақын орналасқан автобөлшектер дүкеніне және 2 қабатты кешеннің ғимаратына өрттің одан әрі таралуына жол берілмеді.
Өрттің ауданы 150 шаршы метрді құрады. Қаза тапқандар мен зардап шеккендер жоқ.Өрттің себебі анықталуда, - деді ведомстводан.
