АҚШ-та Аризонадағы Үлкен Каньон ұлттық саябағының солтүстік бөлігі жабылып, дала өрттеріне байланысты Колорадодағы Ганнисонның Қара каньонына кіру уақытша тоқтатылды. Жүздеген турист пен қызметкерлер эвакуацияланды, деп хабарлайды BAQ.KZ DW сайтына сілтеме жасап.
500-ге жуық турист пен қызметкерлер эвакуацияланды
Жер ресурстарын басқару бюросы өкілдерінің айтуынша, Джейкоб көлінің маңындағы өрт аптаның ортасында аймақта бірнеше найзағайдан кейін тұтанған. Қатты және екпінді жел жалынды тез жайып жіберді - жұмаға қарай өрт аумағы 44 шаршы шақырымға жетті. Каньонды қою түтін басып, лагерьде болған 500-ге жуық адам тез арада эвакуацияланды.
Найзағай себеп болған
Ганнисонның Қара каньонында өрт 10 шілдеде найзағай соғуынан басталған. Онда өрт саябақтың оңтүстік бөлігінде шамамен 6,5 шаршы шақырым аумақты шарпыды, өрт сөндіру қызметі өртті сөндіруді жалғастыруда. Мамандар муссондық маусымның әсерінен болған жоғары температура, құрғақ өсімдіктер және қатты жел аймақты орман өрттеріне осал етіп отырғанын атап өтті. Сонымен қатар, муссондардың өзі ылғал әкелсе де, найзағай мен шаңды дауылмен бірге жүреді, бұл тек өрт қаупін арттырады.
