Нұргүл Мауберлинова Ақпарат және қоғамдық даму вице-министрі қызметіне тағайындалды

17 Ақпан 2022, 10:28
950
Бөлісу:
Нұргүл Мауберлинова Ақпарат және қоғамдық даму вице-министрі қызметіне тағайындалды

Нұр-Сұлтан, BAQ.KZ. ҚР Үкіметінің Қаулысымен Нұргүл Өсербайқызы Мауберлинова ақпарат және қоғамдық даму вице-министрі қызметіне тағайындалды. Бұл туралы ҚР Премьер-Министрінің Баспасөз қызметі хабарлайды.

Нұргүл Мауберлинова 1973 жылдың қараша айында Қарағанды облысында дүниеге келген.

Е. Бөкетов атындағы Қарағанды мемлекеттік университетін және Қазтұтынуодағы Қарағанды экономикалық университетін тәмамдаған.

Еңбек жолын 1992 жылы бастаған.

Әр жылдары мемлекеттік органдар құрылымында және коммерциялық секторда жұмыс істеді.

2006-2008 жылдары — ҚР Мәдениет және ақпарат министрлігінің Ақпарат және мұрағат комитетінің бас маманы, бас сарапшысы.

2008-2012 жылдары — ҚР Премьер-Министрі Кеңсесінің Ақпараттық-талдау орталығының бас консультанты.

2012-2016 жылдары ҚР Президенті жанындағы «Орталық коммуникациялар қызметі» РММ директорының орынбасары, ҚР Парламенті Мәжілісі төрағасының кеңесшісі қызметтерін атқарған.

2016-2018 жылдары — ҚР Ақпарат және коммуникациялар министрлігінің Ақпарат комитетінің төрағасы.

2018-2019 жылдары — ҚР ақпарат және коммуникациялар министрінің орынбасары.

2019-2020 жылдары — ҚР ақпарат және қоғамдық даму министрінің орынбасары.

2020 жылғы мамыр айынан бастап қазіргі уақытқа дейін ҚР Президенті Әкімшілігінің Ішкі саясат бөлімінің меңгерушісі болды.

Осыған дейін Ақпарат және қоғамдық даму вице-министрі қызметін Кемелбек Ойшыбаев атқарды. Ол 2022 жылдың 28 қаңтарында қызметінен өз еркімен кету туралы өтініш берген еді.

Өзгелердің жаңалығы