Нұр-Сұлтан, BAQ.KZ. Полицияға Жеңіс даңғылындағы «Скиф» тұрғын үй кешенінің тұрғындары ұрлық фактісі бойынша жүгінген, деп хабарлады ПД баспасөз қызметі.
Үйдің сыртқы бейнебақылау камерасына белгісіз біреу шлагбауымның құрылғысын белгісіз бағытқа алып кетіп бара жатқан сәті түсіп қалған.
«Сарыарқа» ауданының полиция қызметкерлері жедел-іздестіру іс-шараларын жүргізу кезінде күдіктіні ұстады. 31 жастағы ер адамның кешкі уақытта олжа табу үшін ұрлыққа барғаны анықталды. Белгілі болғандай, тұрғын үй кешенінің жанынан өтіп бара жатқан ұры «шлагбаумның» жатқан бөлігін байқап қалып, оны металл қабылдау пунктіне өткізу үшін алып кеткен. Ол өз іс-әрекетімен үй иелеріне 50 мың теңге көлемінде материалдық шығын келтірген.
Күдіктіге қатысты «Ұрлық» бабы бойынша сотқа дейінгі тергеу жүргізілуде. Заттай дәлелдемелер алынды. Бұрын қылмыстық жауапкершілікке тартылған ұсталған азамат өз кінәсін мойындады, оның елорда аумағында бұрын жасалған осыған ұқсас қылмыстарға қатыстылығына тексеру жүргізіліп жатыр, - делінген ақпаратта.
Нұр-Сұлтан қаласының Полиция департаменті объектілердің басшыларына тауар-материалдық құндылықтардың ұрлануын болдырмау үшін объектілерді күзету бойынша шаралар қабылдауды, аумақты бейнебақылау камераларымен жабдықтауды және күзет дабыл жүйесін орнатуды ұсынады.
