Нұр-Сұлтан, BAQ.KZ. Полиция департаментінің қызметкерлері террористік тұрғыдан осал нысандарды тексеруді жалғастыруда.
Жыл басынан бері 130-ға жуық нысан тексеріліп, кемшіліктерді жою үшін 40-тан астам ұйғарым енгізілді.
Терроризмге қарсы қорғау талаптарын орындамайтын әртүрлі санаттағы 7 нысанның кәсіпорындары мен ұйымдарының иелерін ҚРӘҚБтК-нің 149-бабы бойынша әкімшілік жауапкершілікке тартты.
Мұндай талаптарға заманауи күзет жабдықтарымен жабдықтау, өткізу режимін қамтамасыз ету, күзет фирмаларының қызметкерлерімен профилактикалық және оқу іс-шараларын жүргізу жатады.
Сондай-ақ, қызметкерлер бұрын анықталған бұзушылықтарды жою туралы нұсқама енгізілген нысандарды қайта тексеруді жалғастыруда.
Сонымен қатар құқық бұзушылықтың алдын алу мақсатында Нұр-Сұлтан қалалық ПД қызметкерлері тұрақты негізде ТТО нысандар басшыларымен оқу-дәріс іс-шараларын өткізеді, сондай-ақ, террористік қауіп туындаған жағдайда олардың іс-әрекеттері бойынша жадынамалар табыс етілді.
