Нұр-Сұлтан, BAQ.KZ. Жаздың басталуымен көптеген қала тұрғындары екі дөңгелекті көлікке көшеді. Алайда, олар көліктерін бекітуді ұмытып кетіп, жалпыға қол жетімді жерлерде қалдырады. Осы жағдайды пайдаланған қаскүнемдер түнгі уақытта ТК кіреберістерінен немесе аулаларынан ұрлық жасайды, деп хабарлады ПД қызметі.
Мәселен, полицияға қала тұрғындарынан Сарыарқа даңғылындағы үйдің ауласынан белгісіз біреулер велосипед ұрлағаны туралы арыз түсті. Залалдың жалпы құны 220 мың теңгені құрады.
"Сарыарқа" ауданы ПБ криминалдық полиция қызметкерлері жедел-іздестіру іс-шараларын жүргізу кезінде 16 және 20 жастағы екі ағайындыны ұстады. Қаскүнемдер түнгі уақытта пайда іздеп аулаларды аралап жүргені анықталды. Кіре берісте арқанмен бекітілмеген велосипедтерді байқап, ұрлаған. Ұрлық фактісі бойынша сотқа дейінгі тергеу жүргізілуде, ұсталғандардың елорда аумағында жасалған басқа да ұқсас қылмыстарға қатыстылығы тексерілуде. Велосипедтер алынды. Ағайындылардың бірі ювеналды полиция қызметкерлерінің ерекше бақылауына алынды, - делінген хабарламада.
Нұр-сұлтан қаласының полиция департаменті Азаматтарға екі доңғалақты көлігіңізді қараусыз қалдырмауды ескертеді. Велосипедтерді ұрылардың жеміне айналдырмас үшін жоғары сапалы ұрлыққа қарсы велосипедтер мен тізбектерді қолдануды ұмытпаңыз. Тұрақ ретінде бейнебақылау камераларының көру аймағында орналасқан жақсы көрінетін жерлерге артықшылық беріңіз.
Егер подъезде күдікті немесе мақсатсыз жүрген бейтаныс адамдарды байқасаңыз, полицияға "102" нөмірі бойынша хабарлаңыз.
