Бас жаңалықтар
Елордада «Жүгіріп қоқыс жина» экологиялық акциясы өтеді
03 Сәуiр 2019, 22:35 774

Елордада «Жүгіріп қоқыс жина» экологиялық акциясы өтеді

Нұр-Сұлтан, BAQ.KZ. «Спарта Астана» эко-клубы, «Таза қала үшін» эко-қозғалысы, «Спарта Астана» қозғалыс клубы Нұр-Сұлтан қаласы әкімдігінің қолдауымен «Менің қалам-Таза қала» акциясын өткізеді. Бұл туралы астана әкімдігінің ресми сайты хабарлайды.

Экологиялық акцияны елорда әкімдігі және «Адал» волонтерлік қозғалысы қолдады. Ұйымдастырушылардың айтуы бойынша, плопинг – жүгіріп қоқыс жинау. Ол бір мезетте екі істі жасауға бағытталған. Біріншіден, бұл – физикалық белсенділік, екіншіден, қоршаған ортаны қорғау. Мұндай қозғалыс бүкіл әлемде танымалдылыққа ие және әрі пайдалы #challenge.

Іс-шараға кез-келген азамат қатыса алады.

«Бұл жерде қатты жүгіру немесе мәреге бірінші жету міндетті емес. Акцияға балалар, қарттар, жастар біздің қаланы, елімізді таза, қоқыссыз көргісі келетін барлық адам қатыса алды», - деп атап өтті ұйымдастырушылар.

Акцияға қатысуға ниет білдіргендер 7 сәуірде төрт жерде жиналады.

11:00-де – Орталық саябақта (сағат алдында);

10:00-де – Ботаникалық бақта (Түркістан көшесіне қарайтын бақтың бас кіреберісінде);

10:00-де – Триатлон-паркте (мюзик-холл маңындағы тұрақта);

10:00-де – Кеңесары ханның ескерткішінің алдында белгіленген жерлерде оларды белсенділер қарсы алады. Акция қатысудың басты шарты – қоқыс жинауға арналған пакеттің болуы.

Плоггинг аясында ең ауыр, ең көп қоқыс жинаған адамды анықтау конкурсы да ұйымдастырылады. Әр саябақта белсенділер жиналған қоқысты өлшеп ең ауырын, ең үлкенін анықтайтын болады. Одан бөлек қоқысты бөліп жинау бойынша шеберлік-сабағы өтеді. Сұрыпталған қоқыс бірден қайта өндеуге жөнелтіледі.

 

 

Загрузка...