Бас жаңалықтар
Солтүстік Қазақстанда балықтар қырылып қалды
19 Мамыр 2020, 15:22 344

Солтүстік Қазақстанда балықтар қырылып қалды

Нұр-Сұлтан, BAQ.KZ. Кеше Солтүстік Қазақстан облыстық Орман шаруашылығы және жануарлар дүниесі аумақтық инспекциясының мемлекеттік инспекторлары Солтүстік Қазақстан облысындағы Питное көлінде балықтардың қырылу фактісін анықтады.

Бұл туралы Орман шаруашылығы және жануарлар дүниесі комитетінің баспасөз хатшысы Сәкен Ділдахмет Facebook-тегі парақшасында жазды. 

Инспекция мамандары жергілікті атқарушы органдардың, экология департаментінің және "Балық шаруашылығы ҒӨО" ЖШС филиалымен бірлесіп осы су айдынына тексеру жүргізді. Жиналған балық саны (мөңке түрлі құрамы) 500 кг құрады, - деп жазды ол.

Баспасөз хатшының хабарлауынша, мамандар зертханалық зерттеулер жүргізу үшін су мен балықтардың сынамаларын іріктеп алды.

Балықтардың қырылу себебі туралы ақпарат зертханалық зерттеулердің нәтижелері ұсынылғаннан кейін қосымша хабарланады.

Фото: ашық дереккөз
Загрузка...