Бас жаңалықтар
Қазақстан әлемдегі ауасы нашар жиырма елдің қатарында
12 Наурыз 2019, 16:26 1043

Қазақстан әлемдегі ауасы нашар жиырма елдің қатарында

Алматы, BAQ. 2018 жылдың қорытындысы бойынша Қазақстан ауасы ластанған жиырма елдің қатарына енген. Мұндай рейтингті Швейцариялық AirVisual компаниясы жасаған.


Зерттеуді жүргізген мамандар әлемнің 73 елінде РМ2.5 зиянды бөлшектердің шоғырлануын салыстырып көрген. Нәтижесінде Қазақстан 29,8 µg/m³ көрсеткішімен 20-шы орында. 

Дүниежүзілік денсаулық сақтау ұйымымен ұсынылған қалыпты норма  10 μg/m3 құрайды.

Бұл тізімде Орталық Азия елдерінен Қазақстаннан өзге Өзбекстан да бар, ол  16-шы орында. Ал Ресей 58-ші, Украина 48-шы орында тұр.

Ең таза ауа Исландияда (5 μg/m3) екен. Сондай-ақ Финляндия, Австралия, Эстония және Швейция  ауасы таза елдер қатарында. 

Ауасы ең нашар елдердің көшін 97,1 μg/m3 көрсеткішімен Бангладеш бастап тұр. Пәкістан, Үндістан, Ауғанстан және Бахрейнде ауа сапасының жоғары деңгейде ластанғаны тіркелген.

Қазақстандағы ауасы нашар қалалар ішінде 26 µg/m³ көрсеткішімен Астана көш бастап тұр.
Загрузка...

Сізден жаңалық