Бас жаңалықтар
Орталық Азия триатлон қауымдастығының кезекті конгресі өтті
06 Желтоқсан 2020, 05:31 521

Орталық Азия триатлон қауымдастығының кезекті конгресі өтті

Нұр-Сұлтан, BAQ.KZ. Орталық Азия триатлон қауымдастығының (СATA) үшінші конгресі өтті, деп хабарлайды Федерацияның баспасөз қызметі.

Оған бес елдің, атап айтқанда, Ауғанстан, Иран, Қырғыз Республикасы, Өзбекстан және Қазақстанның ұлттық федерациялары кіреді.

СATA президенті Ғалымжан Есеновтің төрағалығымен өткен конгреске СATA бірінші вице-президенті Шыңғыс Алқанов, СATA вице-президенті Фаррух Насыров, Иран Ислам Республикасы триатлон федерациясының президенті Махди Гаудзари және СATA бас хатшысы Максим Крят қатысты.

Конгресс барысында қатысушылар өткен маусымды қорытындылап, даму жоспарлары мен 2021 жылға арналған СATA жарыстарының күнтізбесін талқылады. Отырысқа қатысушылар бірауыздан Федерацияның Бас хатшысы Искандер Шариповтың атынан Тәжікстанның СATA триатлон федерациясына қосылуға дауыс берді.

СATA спорт комитетінің төрағасы болып ҚТФ спорт директоры Сергей Майер сайланды.

Сонымен бірге 2021 жылға арналған СATA іс-шараларының күнтізбесі дауыс беру арқылы бекітілді.

Сондай-ақ қауымдастық мүшелері алдағы уақытта спортшылар мен паратриатлоншыларды бірлесіп дайындау бағдарламасын әзірлеуге, оқу базаларының желісін құруға және бірлескен оқу-жаттығу жиындарын өткізуге келісті.


Фото: ашық дереккөз
Загрузка...