Нұр-Сұлтан, BAQ.KZ. «Гендерlike» интернет жобасының алғашқы шығарылымында Қазақстандағы ерлер мен әйелдердің мәртебесі, отбасылық зорлық-зомбылық, жеке шекара, өзіңді сүю, той жасау, құрбанның психологиясы сынды тақырыптар талқыланды. Жобаның алғашқы қонақтары – психолог Сымбат Әбдірахман және заңгер, журналист Айдана Болат.
«ГендерLIKE» жобасы – гендерлік теңсіздік, әйел бақыты, нәзік жандылардың отбасы мен мансапты бірге алып жүруі, салт пен заман қарама-қайшылығы, махаббат төңірегінде тосылмай, өткір мәселелерді талқылайтын еркін алаң. Айтыла бермейтін, шағын және болмашы дүниелер де біздің назарда.
