Баспана мәселесі: Мұқтаж адамдар саны тағы 5 млн-ға өсуі мүмкін

24 Қыркүйек 2021, 14:34
4263
Бөлісу:
Баспана мәселесі: Мұқтаж адамдар саны тағы 5 млн-ға өсуі мүмкін
PHOTO
Фото: Артём Чурсинов

Нұр-Сұлтан, BAQ.KZ тілшісі. Бұл туралы Қазақстан Құрылысшылар одағының төрағасы Талғат Ерғалиев журналистерге берген сұхбатында айтты.

Қазір баспанаға мұқтаж 2 млн адам бар. Бірақ урбанизацияны ескерсек, баспанаға мұқтаждар қатарына тағы 5 миллион адам қосылады деп күтіп отырмыз. Нәтижесінде тұрғын үй алғысы келетіндер саны 7 млн-нан асуы мүмкін, - деді Талғат Ерғалиев.

Сөзінше, бірақ бұл тек елордада ғана емес, барлық қалада болады. Ерғалиев сөз арасында неліктен мұндай болжам жасалып отырғанын түсіндірді.

Баспана мәселесі: Мұқтаж адамдар саны тағы 5 млн-ға өсуі мүмкін

Ауыл тұрғындары облыс орталықтары мен қалаларға, ал облыс орталықтарынан ірі қалаларға ағыла бастайды. Мысалы, Нұр-Сұлтан, Шымкент және Алматы қалаларына көшеді. Мұндай жағдай 10 жыл ішінде күтіліп отыр. Оның себебі - ірі қалалар мен облыс орталықтарындағы өмір сүру деңгейі ауылдық жерлерге қарағанда сапалы, - деп түсіндірді Құрылысшылар одағының төрағасы Талғат Ерғалиев.

Оның сөзінше, бүгінгі күні ауылға қажет мамандықтар бойынша гранттар беріліп жатыр. Нәтижесінде ауылдан келіп білім алатын жастар қатары өседі.

Баспана мәселесі: Мұқтаж адамдар саны тағы 5 млн-ға өсуі мүмкін

Ал қалада оқып, тұрған адам қайта ауылға оралғысы келмейді. Осы жағдайларды ескеріп, болжам жасап отырмыз, - деп тоқталды Ерғалиев журналистерге берген сұхбатында.

Бұған дейін елімізде 2 млн адам баспанаға мұқтаж екенін хабарладық.

Өзгелердің жаңалығы