Бас жаңалықтар
Қарағандының медициналық мекемелерінде коронавирустың алдын алу жұмыстары жүргізілуде
12 Наурыз 2020, 16:25 367

Қарағандының медициналық мекемелерінде коронавирустың алдын алу жұмыстары жүргізілуде

Қарағанды, BAQ.KZ тілшісі. Аймақтың медицина мекемелерінде инфекцияға қарсы шаралар қолға алынған. Әлеуметтік дәріханаларға медициналық маскалар жеткізілген, бетперделер бір қолға 5 данадан сатылып жатыр.

Қарағанды облысында короновирус инфекциясының алдын алу жұмыстары жүргізіліп жатыр.

20200312_155018.jpg

Бүгін Майқұдық ықшам ауданындағы №4 емхананың инфекцияға қарсы дайындығын бақылап қайтқан едік. Бүкіләлемдік пандемия деп танылған короновирус инфекциясының алдын алу бойынша емханаға кіреберісте мамандар келушілердің қолдарын антисептикпен дезинфекциялап, сақтану шараларын түсіндіруде. Медицина мекемесінің қызметкерлерінің айтуынша, емханаға қызуы көтеріліа келген адамдар болған жағдайда, оларға медициналық бетперделер тегін беріледі.

Мекемедегі әлеуметтік дәріханада медициналық маска жеткілікті. Дәріхана қызметкерінің айтуынша, маска бір қолға 5 данадан артық сатылмайды.

20200312_154938.jpg

Бүгін таңертең маскалар әкелінді. Тұрғындарға 5 данадан сатып жатырмыз. Бір масканың құны - 84 теңге. Спиртті антисептиктер бүгін таңертең таусылды. Жақын уақыттары жеткізілмек, күтіп отырмыз, - деді фармацевт Қатипа Сахиева.

20200312_154952.jpg

Еске салайық, Қарағандыда жаңа кәсіпорын медициналық маскалар шығарумен айналысуды бастағанын хабарлаған болатынбыз. Аталған кәсіпорын алғашқы 90 мың масканы әлеуметтік дәріханаларға жөнелткенін хабарлады.

20200312_155114.jpg

Облыстық Денсаулық сақтау басқармасының мәліметінше, аймақта медициналық маска тапшылығы болмайды, жақын күндері бетперделер жекеменшік дәріханаларға да жеткізіледі.


Фото: автордан
Загрузка...