Нұр-Сұлтан, BAQ.KZ. Қазгидромет 9 қазанға арналған ауа райы болжамын жариялады.
Қазақстанның басым бөлігі антициклонның ықпалында болады, соған байланысты жауын-шашынның біртіндеп тоқтауы күтіледі. Тек Қазақстанның шығысында, оңтүстік-шығысында және орталығында атмосфералық фронттардың өтуімен жаңбыр және қар түрінде жауын-шашын күтіледі.
Республиканың кей жерінде тұман, желдің күшеюі, көктайғақ болады.
Шығыс Қазақстан облысының кей жерінде тұман, көктайғақ, жаяу бұрқасын күтіледі, жел 15-20 м/с дейін күшейеді.
Солтүстік Қазақстан облысының күндіз кей жерінде тұман күтіледі, жел 15-20 м/с дейін күшейеді.
Қарағанды облысының кей жерінде 15-20 м/с дейін желдің күшеюі күтіледі, түнде тұман, көктайғақ күтіледі. Түркістан,
Қызылорда облысының кей жерінде желдің жылдамдығы 15-20 м/с дейін жетеді. Түркістан облысында тұман күтіледі.
Жамбыл облысының кей аймағында тұман болуы ықтимал, түнде және таңертең жел 15-20 м/с дейін күшейеді. Ақмола облысында түнде және таңертең тұман түседі.
Алматы, Жамбыл, Түркістан, Қызылорда облыстарында түнде 1-5 градус үсік күтіледі.
