Нұр-Сұлтан, BAQ.KZ. 14 ақпанда еліміздің көптеген аймақтарында жауын-шашын болады, деп хабарлайды "Қазгидромет" РМК.
Атмосфералық фронттардың өтуіне байланысты республиканың басым бөлігінде қар мен жаңбыр жауады. Тек оңтүстікте күн ашық болады. Кей жерлерде көктайғақ, тұман, бұрқасын соғып, жел күшейеді.
Қостанай, Қарағанды, Солтүстік Қазақстан, Қызылорда облыстарының кей жерлерінде бұрқасын, тұман күтіледі, жел 15-20 м/с күшейеді.
Қызылорда облысынын кей жерінде көктайғақ күтіледі. Ақмола облысының кей аумағында жаяу бұрқасын, тұман күтіледі, түнде жел 15-20 м/с күшейеді.
Павлодар облысының кей жерінде түнде жаяу бұрқасын күтіледі, жел 15-20 м/с күшейеді.
Маңғыстау, Атырау, Батыс Қазақстан, Жамбыл облыстарының кей жерлерінде тұман, көктайғақ күтіледі, күндіз Жамбыл облысының кей жерлерінде жел 15-20 м/с күшейеді.
Алматы облысының кей жерінде тұман, көктайғақ күтіледі, Жалаңашкөл ауданында жел 15-20 м/с күшейеді.
Түркістан, Ақтөбе облыстарының кей жерінде тұман күтіледі.
Түнде Шығыс Қазақстан облысының тұман күтіледі, жел 15-20 м/с күшейеді.
