Нұр-Сұлтан, BAQ.KZ. Түнгі сағат 00.22-де 101 пультіне Майлин көшесінде өрт болып жатқаны туралы хабар түсті, деп хабарлады Нұр-Сұлтан қаласы ТЖД баспасөз қызметі.
Жедел жөнелтілген өрт сөндірушілер оқиға орнына 4 минуттың ішінде, яғни сағат 00.26-де жеткен. Онда оттың 2 қабатты "Good bar" түнгі клубының электросымынан шыққаны анықталған. 0,5 шаршы метр аумақ отқа оранған. Өрт сөндірушілер келгенге дейін 190 адам қауіпсіз аумаққа шығып үлгерген. Мамандардың жедел әрекетінің арқасында 8 адам құтқарылды.
Тілсіз жау сағат 00.34-те толықтай ауыздықталды. Алдын ала болжам бойынша өрт элктросымның қысқа тұйықталуынан болуы мүмкін. Қызыл жалынды өшіруге ТЖД-ның 4 техника бірлігі мен 17 өрт сөндіруші жұмылдырылды, - делінген ақпаратта.
