Нұр-Сұлтанда қар жауды

Нұр-Сұлтан, BAQ.KZ. Солтүстік пен Шығыс Қазақстандағы құбылмалы ауа райы астанаға да жетті.

Бүгін елордада қар жауып, температура минус төртке дейін төмендеді. «Қазгидромет» РМК солтүстік-шығыстан соққан желдің күші 15-20 метр секундты көрсететінін хабарлады. Желдің екпіні кей жерлерде секундына 25 метрге дейін жетуі мүмкін. Атмосфералық фронттардың өтуіне байланысты құбылмалы ауа райы еліміздің басым бөлігінде сақталып, жауын-шашын болады.