Мысықты құтқармақ болған павлодарлық қаза тапты

Павлодарда 50 жастағы ер адам ағаштан мысықты түсірмек болып, шамамен алты метр биіктіктен құлап кеткен, деп хабарлайды BAQ.KZ.

Оқиға 5 сәуірде болған. Өңірлік денсаулық сақтау басқармасы мәлім еткендей, зардап шегуші Павлодар қалалық №1 ауруханасына жеткізілген.

Дәрігерлер көптеген сынықты, ішкі мүшелердің жыртылуын, геморрагиялық шокты анықтады. Ауыр жарақат салдарынан, жүргізілген емдеу шараларына қарамастан, пациент қайтыс болды, – делінген ведомство хабарламасында.

Еске салайық, бұған дейін Макинск құс фабрикасында жазатайым оқиға болып, жұмысшы зардап шеккен болатын.