Нұр-Сұлтан, BAQ.KZ. Мемлекеттік хатшы Қырымбек Көшербаев Башқұртстанның халық жазушысы Мұстай Кәрімнің 100 жылдығына арналған іс-шараға қатысты.
Ақорданың баспасөз қызметі таратқан ақпаратқа сәйкес, Қазақстан Республикасының Мемлекеттік хатшысы Қырымбек Көшербаев Уфа қаласында өткен Башқұртстанның халық жазушысы Мұстай Кәрімнің 100 жылдығына арналған салтанатты іс-шараға қатысты.
"Мемлекеттік хатшы Қазақстан Республикасының президенті Қасым-Жомарт Тоқаевтың көрнекті жазушының жүзжылдық мерейтойына арнаған құттықтауын оқып, ықыласын жеткізді", - делінген хабарламада.
