Мұғалімдерге 80 млн теңге жалақы төленді

Ақмола облысы прокуратурасының шараларымен мұғалімдерге жалпы 80 млн теңге сомманы құрайтын жалақы мөлшері төленді, деп хабарлайды BAQ.KZ тілшісі.

Облыс прокуратурасы азаматтардың еңбек құқықтарын қорғау саласындағы заңдылықтың жай-күйіне тұрақты негізде талдау жүргізеді.

Сонымен қатар, Мемлекет басшысы 2025 жылды жұмысшы мамандықтар жылы деп жариялады.

Осы жұмыс аясында Ерейментау ауданының прокуратурасымен 9 мектепте 298 мұғалімге 80 млн теңге сомасында жалақы бойынша берешек белгіленді. Қадағалау актісі бойынша аталған берешек толық көлемде өтелді, осылайша 298 мұғалімнің конституциялық құқықтары қорғалды, - делінген Ақмола облысы прокуратурасының хабарламасында.

Бұл бағыттағы жұмыс жалғасуда.