Бұл туралы Үкімет отырысында Индустрия және инфрақұрылымдық даму министрі Қайырбек Өскенбаев мәлімдеді, деп хабарлайды BAQ.KZ тілшісі.
Бүгінгі таңда қалалардағы жылу желілерінің жалпы ұзындығы - 12,1 мың шақырым. Оның 6,7 мың шақырымы ауыстыруды талап етеді, орташа тозу деңгейі – 55 пайыз. Қажетті инвестиция көлемі шамамен 2,2 трлн теңге. Әкімдіктердің деректері бойынша табиғи монополиялардың 83 субъектісі 74 қалада жылумен жабдықтау қызметтерін көрсетеді, оның ішінде 61 коммуналдық кәсіпорынның теңгерімінде 10,2 мың шақырым (тозу – 52 пайыз), 22 жеке субъектінің теңгерімінде 1,9 мың шақырым жылу желілері бар, - деді Өскенбаев.
Министрдің дерегінше, 19 қаладағы желілердің тозуы 50 пайыздан 70 пайызға жеткен. Оның жалпы ұзындығы - 5,9 мың шақырым.
Соның ішінде 3,7 мың шақырымы ауыстыруды талап етеді, желілер 20 субъектінің теңгерімінде (мемлекеттік - 15, жеке - 5). 7 қаладағы желілердің тозу деңгейі 70 пайыздан асады, ұзындығы 1,9 мың шақырым. Соның ішінде 1,6 мың шақырымы ауыстыруды талап етеді, - деп мәлімдеді Индустрия министрі.
