Бұл туралы Әділет вице-министрі Бекболат Молдабеков мәлімдеді, деп жазады BAQ.KZ тілшісі.
Оның айтуынша, қазіргі таңда министрлік 7 жобадан тұратын Digital Justice – цифрлық Әділет жобаларының портфелін іске асырып жатыр.
Қазіргі уақытта Министрліктің 53 мемлекеттік қызметінен egovMobile мобильді қосымшасында 28 мемлекеттік қызмет, 13 сервис және 5 цифрлық құжат қолжетімді. Мұнымен тоқтап қалмай, мемлекеттік қызметтерін мобильді қосымшаларға көшіру бойынша жұмыстар белсенді жүргізілуде, - деді ол орталық коммуникациялар қызметінде өткен баспасөз мәслихатында.
Вице-министрдің айтуына қарағанда министрліктің бірқатар қызметі банк мобильді қосымшаларында қол жетімді.
Олар:
- Halyk Homebank арқылы некені (ерлі-зайыптылықты) тіркеу;
-Bereke Bank «B-Business» мобильді қосымшасы арқылы ЖШС тіркеу;
- Kaspi kz және Halyk Homebank арқылы баланың туу туралы куәлігін алу;
- Halyk Homebank арқылы заңды тұлғалар және жылжымайтын мүлік туралы мәліметтер алу және т.б.
Молдабеков бұл бағытта жұмыстар жалғасатын айтты.
