Президент елордадағы әлеуметтік нысандарды аралап көру барысында отбасылық SANA Sport орталығында болды, деп хабарлайды BAQ.KZ Ақордаға сілтеме жасап.
Мұнда спорт, шығармашылық, білім бағыттары бойынша 29 үйірме жұмыс істейді. Сондай-ақ 29 жаттықтырушы және 25 жоғары білікті педагог еңбек етеді.
![Мемлекет басшысы SANA Sport орталығына барды](/userfiles/images/8b220cc7-2e7b-4a52-9330-70c25578d918.jpg)
Мемлекет басшысына «Damu Development Group» консорциумы жүзеге асырып жатқан әлеуметтік жобалар жөнінде мәлімет беріліп, SANA Sport кешені аумағындағы саябақты қайта жаңғырту жоспары таныстырылды.
![Мемлекет басшысы SANA Sport орталығына барды](/userfiles/images/d1b434ec-9e58-41f5-a251-f2e0bd08845a.jpg)
Қасым-Жомарт Тоқаев орталықтағы спорт залдарын, шығармашылық үйірме бөлмелері мен оқу кабинеттерін аралап көрді.
![Мемлекет басшысы SANA Sport орталығына барды](/userfiles/images/ef6460bc-5708-4293-bed4-ffe53cc13e8c.jpg)
Сонымен қатар үйірмеге шеберлік дәрісін өткізуге келген шахматтан екі дүркін әлем чемпионы Айару Алтынбекке сыйлық табыстап, сәттілік тіледі. Жас шахматшы бұған дейін Президентке хат жазып, кездесу жайында өтінішін жеткізген еді.
![Мемлекет басшысы SANA Sport орталығына барды](/userfiles/images/c2b3e541-3075-407d-af15-47ff7d4af101.jpg)
Бүгін жүздесудің сәті түсті. Кешенде 4 мыңнан астам баланың қосымша білім алуына жағдай жасалған. Әлеуметтік жағдайы төмен отбасынан шыққан жеткіншектердің үйірмелерге қатысуына «Мереке» қайырымдылық қоры қолдау көрсетеді.
![Мемлекет басшысы SANA Sport орталығына барды](/userfiles/images/7f37337a-e985-4a0e-90d2-1fe6ebacb457.jpg)