Ұлттық құрылтайда Мемлекет басшысы Қасым-Жомарт Тоқаев қоғамда тіл тигізу көбейіп кеткенін айтты, деп хабарлайды BAQ.KZ тілшісі.
Бүгін (еск - Ұлттық құрылтайда) Бекзат Алтынбеков, одан бұрын Бақтықожа Ізмұхамбетов пен Светқали Нұржан қоғамдық әдеп мәселесін қозғады. Бұл өте орынды деп ойлаймын. Қазір әлеуметтік желіде адамға тіл тигізу, ар-намысын аяққа таптау көбейіп кетті. Жалған мәлімет таратушылар бар. Мұндай келеңсіз үрдістерді тыю жолын қарастыру керек, – дейді Қасым-Жомарт Кемелұлы.
