Мемлекет басшысы Корея Республикасы Президентінің міндетін атқарушы Чой Сан Мокқа көңіл айту жеделхатын жолдады, деп хабарлайды BAQ.KZ Ақордаға сілтеме жасап.

Қасым-Жомарт Тоқаев Муан әуежайында болған ұшақ апатының салдарынан көптеген адамның қаза тапқаны туралы суыт хабарды терең күйзеліспен қабылдағанын жеткізді, - делінген Ақорда хабарламасында.

Президент жақындарынан айырылған отбасыларға және барша достас корей халқына көңіл айтып, апаттан зардап шеккен азаматтардың тезірек сауығып кетуіне тілектестік білдірді.

Еске салсақ, Оңтүстік Кореяда жолаушылар ұшағы апатқа ұшырады. Апат таңғы сағат 9:07-де орын алды.

Сыртқы істер министрлігінің ресми төрағасы Айбек Смадияровтың айтуына сүйенсек, алдын ала мәлімет бойынша, ұшақ бортында қазақстандықтар болмаған.