Нұр-Сұлтан, BAQ.KZ. 25 қыркүйек күні Алматыда дзюдодан жасөспірімдер арасындағы әлем чемпионаты басталады. Бұл туралы Olympic.kz сайты хабарлады.
Дүниежүзілік біріншіліктің жеңімпаздары мен жүлдегерлері ұлттық нақышта өрнектелген медальдармен марапатталады.
"25-29 қыркүйек күндері өтетін жасөспірімдер арасындағы әлем чемпионатына 64 елден 500-ге жуық жас татами шеберлері қатысады деп жоспарланған. Қазақстан құрамасынан аталмыш додада ел намысын 32 дзюдошы қорғайды", - делінген хабарламада.
Жарыс күн сайын сағат 10:00-де Балуан Шолақ атындағы спорт сарайында өтеді. Жарысқа кіру тегін.
