Нұр-Сұлтан, BAQ.KZ. Мәскеудегі пиротехника қоймасында болған өрт ауыздықталды.
Бұл туралы РИА Новости хабарлады.Мәскеу бойынша ТЖМ мәліметінше, тілсіз жау 500 шаршы метр аумақты шарпыған.
Мәскеу орталығындағы Лужнецкая жағалауындағы пиротехника қоймасындағы өрт сағат 19:15-те (Мәскеу уақыты бойынша - ред.) ауыздықталды. Өрт 500 шаршы метрге таралды, - делінген хабарламада.
Өртті сөндіруге бір қайық және 3 тікұшақ тартылды. Бір өрт сөндіруші зардап шекті. Ол газбен уланып қалған көрінеді.
Бұған дейін хабарлағанымыздай, Мәскеуде пиротехника қоймасында өрт шықты.
