Маңғыстау облысында от шашудан үш адам зардап шекті, деп хабарлайды BAQ.KZ.
Облыстық Денсаулық сақтау басқармасының баспасөз қызметі таратқан мәліметке сәйкес, оның біреуі — ересек адам, екеуі – бала.
Маңғыстау облыстық жедел және шұғыл медициналық жәрдем станциясы жаңа жыл түнінде 1216 шақыртуға қызмет көрсеткен. Дәрігерлер мен фельдшерлердің жұмысы екі есеге артқан. Оның ішінде 7 жол-көлік оқиғасы және 2 пышақ жарақаты болған.От шашудан 3 адам жарақат алған. Оның біреуі - ересек адам, екеуі - кішкентай бала, - делінген баспасөз мәліметінде.
Еске сала кетейік, бұған дейін Жаңа жыл түні 56 мыңнан астам қазақстандық жедел жәрдем қызметіне жүгінгені туралы жазған болатынбыз.
