Нұр-Сұлтан, BAQ.KZ. Маңғыстау облысында тұрғын үйдің шатырына найзағай түскен, деп хабарланды "Лада" сайтында.
Оқыс оқиға бүгін таңғы сағат 08:20-да болған. Найзағайдың қатты түскені соншалық Маңғыстау облысы Форт-Шевченко қаласындағы Қожабеков көшесінде орналасқан үйдің төбесін қиратып жіберген.
Суреттерге зер салсақ, электр бағаны да құлап кеткен.
Оқиға орнына облыстың ТЖД қызметкерлері барды. Қаза тапқандар мен зардап шеккендер жоқ. Қазіргі уақытта жауыннан кейін жиналып қалған суды жинайтын ассенизатор іске қосылды, - делінген Маңғыстау облысы ТЖД баспасөз қызметінің хабарламасында.
