«Бекіре-2023» жедел-алдын алу іс-шарасы барысында Форт-Шевченко қаласында тұрғынының үйінен жалпы салмағы 49 келіден асатын 5 дана бекіре балығы табылды, деп хабарлайды BAQ.KZ.
Қазіргі уақытта ұсталған 60 жастағы ер азаматқа ҚР ҚК 339-бабы бойынша қылмыстық іс қозғалды. Ол сирек кездесетін және құрып кету қаупі төнген, сондай-ақ пайдалануға тыйым салынған өсімдіктер немесе жануарлар түрлерімен, олардың бөліктерімен немесе дериваттарымен заңсыз қарым-қатынас жасағаны үшін айыпталып отыр.
Аталған іске қатысты тергеу амалдары басталды.
