Алматы, BAQ.KZ. ҚР Сыбайлас жемқорлыққа қарсы іс-қимыл агенттігі Төрағасының орынбасары Нұрлан Шабдар Мәдениет және спорт министрлігінің жауапты хатшысы Бақытжан Темірболаттың, орталық аппарат, ведомствоға қарайтын ұйымдар мен облыстық басқармалар ұжымдарының қатысуымен мәжіліс өткізді.
Төраға орынбасары өз сөзінде Мәдениет пен спортты дамыту мемлекеттің әлеуметтік саясатының негізгі бағыттарының бірі екенін айтты.
Жалпыұлттық бірлікті қалыптастыру және адами капиталды арттыру оны сапалы іске асыруға байланысты. Осылайша6 бұл саладағы сыбайлас жемқорлық барша қоғамның орнықты дамуына кедергі келтіреді, - деді ол.
2018 жылдың басынан бері мәдениет және спорт саласында 135 сыбайлас жемқорлық тіркеліп, келтірілген шығын 698 млн теңгеден асып түскен.
Нұрлан Шабдар осы жылдың бірінші тоқсаны туралы айта келе, анықталған 68 млн теңгеден астам залалдың орны толтырылғанын және оның 82-сі тек осы жылы анықталғанын түсіндірді.
Cондай-ақ, ол өткен екі жылдың (2018 жылы – 50, 2019 жылы – 48) ішінде құқық бұзушылықтарды анықтаудың тең серпінінде салыстырмалы түрде бірінші тоқсанда (бірінші тоқсанда 37) үш есе артқанын көрсетті.
Жалпы, соңғы екі жылда сотқа 88 қылмыстық іс жіберілген. Онда 41 адам (атап айтқанда, биыл 7 адам сотталды) сотталып, ал бірқатарына қатысты сот шешімдері күтілуде.
Статистиканы келтіре отырып, спикер "Жоғары лауазымдар да, регалия да, елеулі қызмет те, мемлекет пен қоғам алдында заңда белгіленген жауапкершілікке тартудан кешіру болып табылмайды" деп атап айтты. Айтқандарына дәлел ретінде ол МСМ-ның жауапты хатшысы Уәлиев пен департамент директоры Даржибаевтың сотталғанын айқын мысал етіп келтірді.
Сондай-ақ, республикалық және өңірлік деңгейдегі 10-нан астам басшы сотталған. Мысалға, Ауыр атлетика бойынша олимпиадалық дайындау орталығының директоры Калиеков, Атырау облысы Мәдениет, архивтер және құжаттама басқармасының басшысы Сабыр, Шымкент қаласы Мәдениет, тілдерді дамыту және архивтер басқармасы басшысының орынбасары Үмбет сотталған, - делінген хабарламада.
Мәдениет және спорт саласындағы отызға жуық басқа да шенеуніктер мен қатардағы қызметкерлер жауапкершілікке тартылған.
Шабдар пәрменді жазалау шараларымен қатар сыбайлас жемқорлықтың алдын алудың да саласы басым орын алатындығына ерекше назар аударды.
Тергеу және шығарылған сот шешімдерінің нәтижелері бойынша мәдениет және спорт саласындағы мемлекеттік органдарға анықталған сыбайлас жемқорлық тәуекелдерін жою бойынша нақты шаралар қабылдау және олқылықтарға жол берген қызметкерлерді тәртіптік жауапкершілікке тарту үшін 37 ұсыным енгізілді. Нәтижесінде, 23 адам жазаланды, - делінген хабарламада.
