Бүгінгі күні дәнді дақылдардың жалпы жинауы 26,6 млн тонна дәнді және бұршақ дақылдарын құрады, бұл 2023 жылмен салыстырғанда 56%-ға жоғары. Орташа өнімділік 16 ц/га, деп хабарлайды BAQ.KZ.
Ауыл шаруашылығы министрлігінің мәліметінше, жаңа егістіктің астығы экспортқа сатыла бастады: осы жылдың қыркүйек-қазан айларында «Қазақстан темір жолы» ҰК» АҚ деректері бойынша 1,8 млн тонна экспортталды, бұл өткен жылдың осы кезеңімен салыстырғанда 48%-ға көп (1,2 млн тонна).
Мысалы, Өзбекстанға экспорт 738 мың тоннаны құрады, бұл 2023 жылдың осы кезеңімен салыстырғанда 49%-ға көп. Тәжікстанға 298 мың тонна немесе өткен жылмен салыстырғанда 48%-ға көп жөнелтілді. Қытай, Ауғанстан, Иран, Қырғызстан және басқа бағыттарды қоса алғанда, басқа бағыттар бойынша да оң динамика байқалады, - делінген хабарламада.
Импортшы елдер қазіргі уақытта өздерінің астық қорларына ие екенін ескере отырып, астық экспортының көлемінің елеулі өсуі 2025 жылдың бірінші жартысында болжануда. Экспорттық бағыттарды әртараптандыру және өткізу нарықтарын кеңейту жұмысы жалғасуда.
Әлеуметтік желілерде дәнді дақылдардың экспорттық жеткізілімдерінің азайғаны туралы бұрмаланған ақпарат таратылып жатқанына назар аударамыз, бұл нарықта дүрбелең туғызып, бағалардың демпингіне әкеледі. 2024 жылғы егін жинау көлемі бойынша да, сапасы бойынша да 45%-ға жоғары екенін және бұл экспортқа шығару үшін жағдай жасайтынын хабарлаймыз, - деп хабарлады АШМ.
ҚР АШМ Азық-түлік келісімшарт корпорациясы арқылы ауыл шаруашылығы өндірушілерін форвардтық келісімшарттар мен тауарлық несиелермен қамтамасыз етіп, қолдау көрсетеді. Мысалы, ағымдағы жылы 594 мың тонна дәнді сатып алу үшін 40 млрд теңгеден астам сомаға келісімшарттар жасалды.
Сонымен қатар, Азық-түлік келісімшарт корпорациясы жаңа егіннің дәнін тікелей сатып алу мәселесін қарастырып, ұсақ шаруашылықтардан сатып алуды жүзеге асыру мәселесін пысықтауда.
