Нұр-Сұлтан, BAQ.KZ. Ақмола облысы Астрахань ауданында құтқарушылар бес күн бойы балықшыларды іздеп жүр.
Бұл туралы ТЖМ баспасөз қызметі хабарлады.
Үш дос бірге көлдің жағасында балық аулап, жоғалып кетті. Іздеу орындарында жағадан бір шақырым қашықтықта қамыс үстінде төңкерілген металл қайық табылды. Оқиға Ұзынкөл ауылдық округінің аумағында, Баршын көлінің маңында болған. Іздеу жұмыстары барысында 1981 және 1976 жылы туған екі ер адамның денесі табылды, 1978 жылы туған үшінші ер адамды іздеу жалғасуда, - деп хабарлады ҚР ТЖМ ресми өкілі Талғат Уәли.
Мұз астынан балық аулаушыларға балық аулауды жеке құтқару құралдары болған кезде ғана жүзеге асыру ұсынылады. Егер сіз қайықта балық ауласаңыз немесе аң ауласаңыз, онда ол техникалық жағынан жақсы, су төгетін және құтқару құралдарымен жабдықталған болуы керек. Қайықта болған кезде міндетті түрде құтқару кеудешесін кию және ешқандай оқыс қимыл жасамау, қайықтың шетіне еңкейіп тұрмау, жүрмеу қажет.
Сонымен бірге ҚР ТЖМ күзгі-қысқы кезеңде су айдындары жұқа мұзбен жабылатынын және оған мұз асты балық аулауды жақсы көретін балықшылар шығып, өз өміріне қауіп төндіретінін еске салады.
Сонымен қатар азаматтарды су айдындарындағы қауіпсіздік қағидаларын сақтауға: қараңғы уақытта және көрінуі нашар болған кезде мұзға шықпауға; жұқа және қатпаған мұз учаскелеріне шықпауға; мұздың жеке учаскелерінде топтасып жиналмауға; мұздағы шұңқырларға, жарықтарға, ойықтарға жақындамауға шақырамыз.
