Ауа райының бұзылуына байланысты бірнеше өңірде жол жабылды, деп хабарлайды BAQ.KZ "ҚазАвтоЖол" компаниясына сілтеме жасап.
23 қаңтар сағат 21:10 ауа райының бұзылуына байланысты "Үшарал-Достық" автожолының 10-164 шақырым аралығындағы учаскеде (Үшарал қаласы - Достық станциясы) көліктердің барлық түрінің қозғалысына шектеу қойылғаны белгілі болды.
Сондай-ақ 23 қаңтар сағат 21:00-де ауа райының бұзылуына байланысты келесі республикалық маңызы бар автожолдарда дизель отынмен жүретін және қоғамдық көліктердің қозғалысына шектеу қойылады, - деп атап өтті компаниядан.
Ақмола облысы:
- "Астана-Петропавл" автожолының 18-232 шақырым аралығы (Астана қаласы - Щучинск қаласы).
Қостанай облысы:
- "Қостанай-Әулиекөл-Сұрған" автожолының 7-108 шақырым аралығы (Тобыл қаласы - Әулиекөл ауылы).
Жолды 24 қаңтар сағат 08:00-де ашу жоспарланған.
