Көші-қон бағдарламасы аясында ресейлік азаматтарды қоныстандыру жоспарда бар ма? Бұл сұраққа Еңбек және халықты әлеуметтік қорғау министрі Тамара Дүйсенова жауап берді, деп хабарлайды BAQ.KZ тілшісі.
Көші-қон бағдарламасы – қандастарымызға және ішкі мигранттарға бағытталған жоба. Яғни, бұл қазақстандық азаматтар мен этникалық қазақтарға арналған бағдарлама. Сондықтан да басқа елдің азаматтарын қоныстандыру мәселесі қаралмайды, - деп жауап берді Дүйсенова орталық коммуникациялар алаңында өтіп жатқан брифингте.
