Нұр-Сұлтан, BAQ.KZ. Ресей Федерациясының эпидемиологтары коронавирустық инфекцияның жаңа шыңы туралы белгі береді. SARS-CoV-2 үшін оң сынақтардың күнделікті өсуі 74 692 жағдайды құрады.
"Омикрон" нұсқасы елдің 72 өңірінде анықталды. Мәскеуде жұқтырғандар саны 19 856 адамға артты және бұл елдегі ең жоғары көрсеткіш. Соңғы 24 сағат ішінде COVID-19 диагнозы расталған 657 адам қайтыс болды. Осылайша, елдегі КВИ құрбандарының жалпы саны 328 105 адамға жетті.
РФ Денсаулық сақтау министрлігінің мәліметінше, пандемия басталғаннан бері КВИ-дің 11 315 801 фактісі тіркелген. "Омикрон" штамы ересектерге қарағанда балаларға қауіптірек. Ресей Федерациясының Денсаулық сақтау министрлігінің басшысы Михаил Мурашко балалардың коронавирустың басқа нұсқаларына қарағанда "0микрон" штамын 2,5 есе жиі жұқтыратынын айтты.
Қазіргі уақытта "омикрон" штамымен инфекцияның күрт өсуі балалар денсаулығына ерекше назар аударуды қажет етеді,-деді Мурашко Ресей Федерациясының субъектілеріндегі бала құқықтары жөніндегі уәкілдердің XVIII Бүкілресейлік конгресінде.
Балалар арасында жаңа штамның көп таралуына байланысты Мәскеу билігі шұғыл жағдайларды қоспағанда, кәмелетке толмағандарды жоспарлы ауруханаға жатқызуды үш аптаға тоқтату туралы шешім қабылдады.
Израильдің Денсаулық сақтау министрлігі 5 айдан астам уақыт бұрын үшінші (үдеткіш) дозаны алған барлық ересектерге COVID-19 вакцинасының төртінші дозасын алуды ұсынды. Дәрігерлердің айтуынша, вакцинаның төрт дозасы үшке қарағанда аурудың ауыр ағымынан сенімді қорғауды қамтамасыз етеді.
Перу билігі 5 жастан 11 жасқа дейінгі балаларға коронавирус вакцинациясын бастады. Осы жас тобында барлығы 4 миллионнан астам адамды вакцинациялау жоспарлануда. Сондай-ақ, аталған жас тобындағы балалар 1 ақпаннан бастап Тайландта вакцинациялана бастайды.
Бірқатар елдерде коронавируспен ауыратындардың тәуліктік өсуі бойынша антирекордтар тіркелді: Францияда – 501 635, Германияда – 164 000, Жапонияда – 62 599, Оңтүстік Кореяда – 13 012, Болгарияда-12 399.
