Конгода Эбола жеті провинцияға тарады: Ауруханаларда орын жетіспей жатыр

Соңғы 20 күнде ауруды тағы 550-ден астам адам жұқтырып алған. Қазір ауруханаларда науқастар толып барады. Жаңа науқастарды қабылдау үшін орын жетіспей жатыр. Сол себепті уақытша қабылдау орындары ашылған.

Бутембода 2 млн халық тұрады. Халықаралық ұйымдардың дәрігерлері вирустың тез тарап жатқанына алаңдап отыр. Қолда бар дерекке қарағанда, қазір ауру елдің жеті провинциясында өршіп тұр.

Вирус жұқтырғандар саны 8 мыңға жуықтады. 3 мың 700 адам көз жұмды деген дерек те бар.

Еске салайық, бұған дейін Конго Эболаға қарсы вакцинаны клиникалық сынақтан өткізуді бастады.