Бүгін түнде Көкшетауда Ж.Жабаев көшесінде орналасқан 5 қабатты жатақхананың 4-қабатында өрт шықты, деп хабарлайды BAQ.KZ.
Шақырту орнына келген өрт сөндірушілер баспалдақ маршымен 14 адамды, олардың ішінде 5 баланы эвакуациялады.
Өрт жедел түрде сөндірілді. Зардап шеккендер жоқ. Өрттің себебі – сөндірілмеген темекі, - деп жазылған хабарламада.
ТЖМ азаматтардан тұрмыстағы өрт қауіпсіздігі ережелерін сақтауды сұрайды.
