Нұр-Сұлтан, BAQ.KZ. Мемлекет басшысы Қасым-Жомарт Тоқаев халықтың неге жиі шағымданатынын сыбайлас жемқорлыққа қарсы күрес мәселелері жөнінде өткен кеңесте айтты.
Адамдар бұрынғыша жоғары оқу орны, колледж, тіпті, мектептердегі сыбайлас жемқорлықты айтып, шағымданады. Жемқорлық азаматтарымыздың бойына сіңіп, тіпті, қоғамның қалыпты құбылысына айналып кетуі мүмкін. Басты мәселе – осы. Ал кәсіпкерлер жер комитеті, өртке қарсы қызмет, салық және кеден органдарын жемқорлық жайлаған деп есептейді, - деді Президент.
Мемлекет басшысы жол сапасына байланысты жұртшылықтың алаңдаушылығы жоғары екенін айтты.
Сыбайлас жемқорлыққа қарсы іс-қимыл комиссиясы су шаруашылығы саласында айтарлықтай түйткілдер бар екенін хабарлады. Осы мәселелер бойынша қоғамдық бақылау тетігі жұмыс жасауға тиіс. Бұл шараға үкіметтік емес ұйымдарды тартқан дұрыс. Оларды нормативтік-құқықтық актілерді сараптау ісіне қатыстыру керек, - деді Тоқаев.
