Кентаудағы дәмханадан уланған 92 адамның жағдайы қалай?

Бұл туралы Түркістан өңірлік коммуникациялар қызметінде Кентау қалалық орталық аурухана бас дәрігерінің орынбасары Асылбек Өтебаев айтты, деп хабарлайды BAQ.KZ тілшісі.

Өтебаевтың айтуынша, қазіргі таңда қоғамдық дәмханада фаст-фудтан уланғандар саны 92 адамға жетті. Олардың қызыуы көтеріліп, іштері ауырған. Шағыммен келгендердің көбі пицца жеген және 25 адам амбулаториялық емдеуде.

Қазіргі таңда 67 адам науқас жатқызылды. Олар: 40 бала, 27 ересек адам, 3 жүкті әйел. Бәрінің жағдайы орташа ауыр. Ертеңгі күннен бастап жағдайлары жақсарса үйіне шығарыла бастайды, - деді Кентау қалалық орталық аурухана бас дәрігерінің орынбасары.

Бүгінгі таңда науқастардың саны тұрақталып келеді.