Нұр-Сұлтан, BAQ.KZ. QazEconomy Telegram каналының хабарлауынша, 2020 жылдың соңында қазақстандықтар банктерге 7,1 трлн теңгеден астам қарыз болған. Бұл соманың үштен бір бөлігі тұрғын үй заемдары.
Еуразиялық экономикалық комиссияның қаржылық статистика департаментінің мәліметтері бойынша, республикада өткен жылы ипотекалық қарыз шамамен 600 млрд теңгеге немесе 32% өскен.Осы құжатқа сәйкес, Қазақстанда өткен жылы тұрғын үйді несиелендіру көлемі 1,8 триллионнан 2,4 трлн теңгеге дейін өскен. Сонымен бірге мерзімі өткен қарыз 20% -ға өсті (60 миллиардтан 71,5 миллиард теңгеге дейін).
Аналитиктер статистиканы салыстыру үшін Еуразиялық экономикалық одаққа (ЕАЭО) қатысушы барлық елдердің кредиттік берешегін конвертациялаған.
Нәтижесінде 2020 жылы Ресейде ипотекалық қарыздың ең үлкен мөлшері - 123,2 млрд доллар болғандығы белгілі болды, ал тұрғын үй заемдарының көлемі 5,9 млрд долларды құрайтын Қазақстан екінші орында, Беларуссия - 3,8 млрд доллармен үшінші орында.
