Нұр-Сұлтан, BAQ.KZ. Режиссер Фархат Шәріповтың «18 килогерц» фильмі ХVII Халықаралық мұсылман кино фестивалінің бас жүлдесіне ие болды, деп хабарлайды Tengrinews.kz.
Сондай-ақ, картина операторлық жұмыс үшін марапатқа ие болды (Александр Плотников).
«18 килогерц» - 90-шы жылдардың аяғындағы жасөспірімдердің өмірі туралы фильм. Зара Есенаманның «Хардкор» повесі бойынша түсірілген. Картина қазақстандық прокатқа 2021 жылдың ақпан айында шықты.
Өткен жылы «18 килогерц» фильмі Қазақстан киносы тарихында алғаш рет 36-шы Варшава халықаралық кинофестивалінің Гран-приін жеңіп алған болатын. Кейін фильм Котбуста (Германия) өткен 30-шы халықаралық кинофестивальде үздік деп танылды.
Бүгінде режиссер Фархат Шәріпов «Ұлттық киноны қолдау мемлекеттік орталығы» КЕАҚ тапсырысы бойынша түсірілген «Хардкор» кинолентасының кезекті картинасын түсіріп жатыр. Өзінің жаңа фильмінде автор нашақорлық тақырыбын көтеріп, қазіргі уақытта бұл ең өзекті проблемаға айналып отырғанын көрсетеді.
Алдағы күндері Алматыда фильмнің ақтық түсірілімі өтеді.
XVII қазан Халықаралық мұсылман киносы фестивалі Татарстан республикасының астанасында 5-10 қыркүйек аралығында өтті, Биыл форумға 45 елдің кинематографистері өтінім берді.
