Нұр-Сұлтан, BAQ.KZ. Ақтауда Каспий теңізінде болған сирек құбылыс әлеуметтік желі қолданушыларын таңғалдырды. Мамандар құйынның ортасында қысым төмен болатынын айтып отыр. Сондықтан ол суды теңіз бетіне көтеріп алады.
Мұндай құбылыс 2011 жылдың қазан айында Қашаған кен орны ауданында байқалды. Әдетте су құйындылары тропикалық ендіктерде, қоңыржай жерлерде өте сирек пайда болады. Құйынды қалыптастыру үшін екі жағдай қажет. Теңіздегі су жылы, ал бұлттағы ауа суық болуы керек. Температураның өзгеруіне байланысты атмосфераның жоғарғы және төменгі қабаттарындағы қысым айырмашылығы болады. Мұның себебі, бұлттағы қозғалыстармен байланысты өте күшті жоғары және төмен ағындардың өзара әрекеттесуі нәтижесінде жақсы дамыған будақ-жаңбырлы бұлттың астында ыстық ауа райында пайда болған қатты құйын болды. Құйын ортасында өте төмен қысым байқалады, нәтижесінде ол суды көтере алады, - деп хабарлады Қазгидромет, Telegram-да.
Синоптиктердің айтуынша, құйынды болжау оңай емес екен. Өйткені, оның мониторингі станциялар желісінің визуалды бақылау жүйесіне негізделген. Ал ол тек құйын қозғалысының азимутын анықтауға мүмкіндік береді. Сондықтан Қазгидромет желдің, толқудың және теңіз деңгейінің болжамдарын шығара алады.
