ХАМАС тобы атысты тоқтату келісімін ұзартудан бас тартқаннан кейін Израиль армиясы Газа секторына жүктерді өткізуді тоқтатты, деп хабарлайды BAQ.KZ DW басылымына сілтеме жасап.
Бұл хабарлама Израиль премьер-министрі кеңсесінің X әлеуметтік желісіндегі ресми аккаунтында жарияланды.
Сонымен бірге, Франс Пресс агенттігі сектордағы атқылаудың ішінара қайта басталғанын хабарлады.
Кепілге алу келісімінің бірінші кезеңі аяқталғаннан кейін және Хамастың Израиль келіскен келіссөздерді жалғастыру үшін Виткофф негіздемелік келісімін қабылдаудан бас тартуына байланысты премьер-министр Нетаньяху шешім қабылдады: бүгін таңертеңнен бастап Газа секторына кіретін барлық тауарлар мен материалдар тоқтатылуы керек. Израиль кепілге алынғандарымызды босатпайынша атысты тоқтатуға жол бермейді. Егер ХАМАС одан бас тартуда табандылық танытса, одан әрі зардаптары болады, - делінген мәлімдемеде.
АҚШ президентінің Таяу Шығыстағы өкілі Стив Виткофф Израиль мен Хамас лаңкестеріне Рамазан айында атысты тоқтату туралы келісімге келуді ұсынды. Израиль бұл ұсынысқа келісті.
Хамас бұған дейін бітімгершілікті ұзарту идеясын бірнеше рет қабылдамады. Сонымен бірге содырлар жүкке қатысты Израильдің шешімін сынға алды.
Гуманитарлық көмекті тоқтату туралы шешім арзан бопсалау, әскери қылмыс және атысты тоқтату туралы келісімге ашық шабуыл болып табылады, - деп келтіреді Франс Пресс агенттігі.
Айта кетейік, бұған дейін Израиль билігі Рамазан айында Газаға күш қолданбайтынын жазған болатынбыз.
