Түркияның Конья қаласында өтіп жатқан Ислам ынтымақтастығы ойындарында қазақстандықтар жүлде қорын толықтырды, деп хабарлайды BAQ.KZ.
Исламиадада қазақстандықтар спорттың бірнеше түрінен ойын көрсетіп жатыр.
Суға жүзуден баттерфлэй әдісімен 50 метрге жарысуда Әділбек Мусин алдына жан салған жоқ. Ол Ислам ынтымақтастығы ойындарының рекордын жаңартты. Сондай-ақ Қазақстан рекордына да түзету енгізді.
Еске салсақ, бұдан бұрын ел құрамасынан Әділбек Мусин 100 метр қашықтыққа баттерфляй әдісімен жүзуде үздік нәтижеге қол жеткізген еді. Көрсеткіші – 53,20 секунд.
