Нұр-Сұлтан, BAQ.KZ. Қазақстан Республикасы азаматтық қорғау органдарының құрылғанына 25 жыл толуына орай Көкшетауға Қазақстан Республикасының төтенше жағдайлар министрі генерал-майор Юрий Ильин барды. Бұл туралы ҚР ТЖМ КТИ баспасөз қызметі хабарлады.
Министр Көкшетау техникалық институтына барып, институттың оқу-әдістемелік және ғылыми жұмысымен танысу мақсатында оқытушы-профессорлық құраммен кездесті. Қонақтар назарына оқытушылардың оқу құралдары, монографиялары мен диссертациялық зерттеулерінің көрмесі ұсынылды. Сонымен қатар, курсанттардың қатысуымен TDK-5 жылу түтін камерасында демонстрациялық сабақтар өткізілді, онда олар қонақтарға өздерінің дағдыларын көрсетті.
Сапардың шарықтау шегі бірінші курстың 147 курсантының салтанатты түрде Ант беру рәсімі болды, оған Ақмола облысының әкімі Ермек Маржықпаев, ТЖМ бөлімшелерінің басшылары және қызмет ардагерлері қатысты. Республиканың бас құтқарушысы оларды ант қабылдаумен құттықтап, батасын беріп, оларға сәттілік тілеген, өмірдің жаңа кезеңінің басталуының осы әсерлі сәті курсанттардың есінде мәңгі қалады.
Салтанатты рәсім аяқталғаннан кейін Юрий Ильин Көкшетау техникалық институтының оқу-жаттығу полигонында болды. Полигонның функционалдық мақсаты курсанттардың және тыңдаушылардың табиғи және техногендік сипаттағы төтенше жағдайларды жою саласында алған теориялық білімдерін практикада пысықтау болып табылады.
Институт соңғы бірнеше жыл бойы министрлік пен оның аумақтық органдарының қолдауымен оқу полигонын жаңғырту мен дамытуды белсенді жүргізіп келеді. Осы мақсатта 3 гектар аумақта «ТЖ көлігіндегі ТЖ жою», «Авиакөліктегі ТЖ жою», «Әскери даярлық және азаматтық қорғаныстың кедергілер белдеуі», «Өрт сөндірушілер мен құтқарушылардың психологиялық даярлығының атыс белдеуі» оқу орындары орналасқан.
Бүгін министрдің қатысуымен Институттың жеке құрамы «Техногендік сипаттағы ТЖ жою кезіндегі авариялық-құтқару бөлімшелерінің іс-қимылдары» тақырыбында жедел-тактикалық сабақ өткізді, олар тартылатын күштер мен құралдардың мақсаты бойынша іс-қимылдарға дайындығын көрсетті.
Салынып жатқан оқу орындарының бір бөлігі институттың профессорлық-оқытушы құрамының ғылыми-зерттеу жұмыстары аясында орындалған. Болашақта полигон Институт курсанттары үшін практикалық пысықтау орны болып қана қоймай, аумағында оқу-жаттығулар, семинарлар, жарыстар өтетін Республикалық маңызы бар оқу орталығы болады деп жоспарлануда.
