Нұр-Сұлтан, BAQ.KZ. Сауль Альварес пен Геннадий Головкин арасындағы айқас 18 қыркүйекте Нұр-Сұлтан уақытымен таңғы сағат 9:00-де басталады.
Бұл туралы Sports.kz хабарлады.
WBA (Super), WBC, IBF және WBO супер орта салмақтағы белбеулері бәске тігіледі. Тікелей трансляция DAZN ақылы стриминг сервисі арқылы көрсетіледі.
Жекпе-жектің Қазақстан аумағында көрсетілуі туралы әзірге ақпарат жоқ. Бұған дейін Головкиннің барлық соңғы жекпе-жектері Qazaqstan және Qazsport телеарналарында көрсетілген болатын. Осы дәстүр жалғасын табуы әбден мүмкін.
Бұл қазақстандық пен мексикалық арасындағы үшінші жекпе-жек болмақ.
Біріншісінде тең аяқталса, екіншісінде төрешілер жеңісті «Канелоға» берген болатын.
