Германия президенті Франк-Вальтер Штайнмайер федералды канцлер Олаф Шольц пен оның үкіметінің 14 министріне отставкаға кету туралы куәліктерін табыс етті, деп хабарлайды BAQ.KZ.
Бұл туралы Deutsche Welle басылымында жазылды.
Салтанатты шара Берлин орталығындағы Bellevue президенттік сарайында өтті. Германия Федеративтік Республикасының Негізгі заңына сәйкес канцлер мен министрлер жаңа Бундестагтың шақырылған күні жұмысын тоқтатады.
Дегенмен, Штайнмайер Шольц пен барлық 14 министрден уақытша қызметте тағы бірнеше апта қызметінде қалуды сұрады. Бұл тәртіп заңмен де қарастырылған. Канцлер мен министрлер жаңа үкімет жасақталғанша жұмысын жалғастырады. Бұған дейін жаңа канцлер Фридрих Мерц оны 20 сәуірге дейін құруға уәде берді. Штайнмайер министрлер алдында сөйлеген сөзінде оларға «алғыс пен ризашылығын» білдіріп, Шольцты «ақылды дауыс» деп атады және канцлер мен үкіметтің «үлкен күш-жігерін» жоғары бағалады. Шольц пен Штайнмайер бұрын Германияның социал-демократиялық партиясының партияластары болған. Соңғысы 2017 жылы президент болған соң мүшелігін тоқтатты.
0
0
0
0
0
