Германия құрамасы 2024 жылғы Еуропа чемпионатының 1/8 финалында Дания құрамасын 2:0 есебімен ұтты. Кездесу Дортмундтағы «Сигнал Идуна Парк» стадионында өтті, деп хабарлайды BAQ.KZ Prosports.kz сайтына сілтеме жасап.
Голдарды Кай Хаверц пен Джамал Мусиала соқты.
33-минутта матчтың бас төрешісі Майкл Оливер стадион үстінде найзағай жарқылымен бірге Дортмундта басталған бұршақ салдарынан командаларды алаңнан алып кетті. 25 минуттан кейін ойын қайта жалғасты.
Юлиан Нагельсманның командасы Еуро-2024 турнирінің ширек финалына шықты, онда Испания-Грузия жұбының жеңімпазымен кездеседі.
