Газа секторында израильдық тарап жасаған шабуылдан жиырмадан астам адам қаза тапты, деп хабарлайды BAQ.KZ.
Оқи отырыңыз:
Euronews таратқан мәліметке сүйенсек, соққы БҰҰ Газадан кететінін мәлімдеген соң болған.
Бұл туралы палестиналық аурухананың дәрігерлері айтты.
Мерт болғандардың арасында үш бала мен олардың ата-анасы бар. Белгілі болғандай, Хан-Юнис қаласындағы аудандардың бірінде олар тұрып жатқан шатыр шабуылдың астында қалған. Насер ауруханасына бұл отбасыдан басқа төрт адамның мәйіті әкелінді.
Газаның орталығында «Әл-Акса азапталушылары» ауруханасы үш жеке соққыдан көз жұмған тағы алты адамның мәйіті барын растады. Авда ауруханасына Нусейрат босқындар лагерінде соққы салдарынан құрбан болған үш адамның денесі жеткізілген.
Газа қаласында тұрғын үйге жасалған израильдық соққы салдарынан бес адам қайтыс болды.
0
0
0
0
0
